Србин (37) и Босанец (43) беа уапсени изутрина, во Италија во градот Варезе под сомнение дека ограбиле излог на познатата продавница „Гучи“. Во кражбата одзеле парфеми, торби и накит во вредност од 102.915 евра. 

На снимката објавена од италијанските медиуми се гледа дека двајца мажи со двајца други асистенти провалиле во излогот, а потоа одзеле чанти, накит, парфеми и други брендирани и скапи предмети.

Благодарение на снимките од надзорната камера, Србинот и Босанцот беа пронајдени, а потоа беа уапсени од полицијата, јавуваат италијанските медиуми.

Украдената стока е пронајдена во гаража што доведувала до еден од разбојниците, а полицијата истражува дали двајцата балканци се вмешани во друг грабеж во Италија, пренесува Телеграф.