Нов контингент од половина милион вакцини од кинескиот производител „Синофарм“ пристигна вечерва во Србија.

Авионот „Ер Србија“ слета на белградскиот аеродром „Никола Тесла“ околу 20 часот и 50 минути, а беше пречекан од премиерката Ана Брнабиќ и кинескиот амбасадор во Белград Цен Бо.

Во средината на минатиот месец, Кина го испорача првиот контингент од еден милион дози вакцина „Синофарм“ во Србија.

Инаку, во Србија вчера пристигнаа 50.000 вакцини Спутник В, а претседателот на Србија, Александар Вучиќ, најави дека во следните 15 дена ќе пристигнат уште 50.000 за втората доза.

До крајот на февруари, Србија до 20 февруари ќе добие уште 88.000 дози од вакцината „Фајзер-Бионтек“, но и вакцината „Астра-Зенека“, помеѓу 125.000 и 150.000 дози, за што е потпишан договор.