Рак на белите дробови скоро па никогаш не дава никаков знак, но кога ќе се открие во доцна фаза, шансите за преживување се многу мали, поради што често се вика и убиец без најава.
Михајло Спориќ, еден од најдобрите млади српски физичари и студент на универзитетот Кембрич, после две години борба со тешката болест, почина на 22 годишна возраст.
Михајло Спориќ беше премногу талентиран и носител на Светосавската награда. Освоил бројни награди на домашните и меѓународните натпреварувања и најважната помеѓу нив, златниот медал на Меѓународната олимпијада за физика во 2016 година.
Една година подоцна тој беше прогласен за Млад херој на Србија.
Од Математичкото училиште изјавија дека премногу ги потресла оваа вест за прераната смрт на нивниот некогашен ученик Михајло Спориќ.
Туморите на белите дробови можат да бидат малигни и бенигни. Рак на белите дробови е злочуден тумор. Не е заразна болест и не може да се пренесе од човек на човек.
Во повеќето случаи не дава никакви симптоми, се додека болеста не напредува. Најчестите симптоми се кашлање (вклучувајќи искашлување на крв), губење на телесна тежина и недостиг на воздух.
Ракот на белите дробови може да се види на градна радиографија и компјутеризирана томографија. Дијагнозата се потврдува со биопсија.
Таа вообичаено се извршува преку бронхоскопија или преку биопсија водена од компјутеризирана томографија. Лекувањето и прогнозата зависат од хистолошкиот вид на рак, стадиумот (степен на ширење) и општата состојба на пациентот. Во вообичаените форми на лекување се вклучени хируршка операција, хемотерапија и радиотерапија. Крупноклеточниот карцином понекогаш се лекува со операција, додека ситноклеточниот обично подобро реагира на хемотерапија и радиотерапија.
Ширум светот, белодробниот рак е најчестата причина за канцер-асоцирана смртност меѓу мажите и жените и е одговорна за 1,38 милиони смртни случаи годишно од 2008 година.
Севкупно, 17.4% од луѓето во САД дијагностицирани со рак на белите дробови преживуваат пет години по дијагнозата,додека во земјите во развој исходот во просек е полош.
Постојат три главни подтипови: аденокарцином, сквамозен карцином и крупноклеточен белодробен карцином.
Приближно 40% од белодробните ракови се аденокарциноми. Овој тип на тумор обично потекнува во периферните белодробни ткива.Повеќето случаи на аденокарцином се поврзани со пушење; сепак, меѓу луѓето кои имаат испушено помалку од 100 цигари во нивниот живот („кои никогаш не пушеле“),аденокарциномот е најчестата форма на белодробен рак.
Еден подтип на аденокарцином, бронхоалвеоларен карцином, е почест кај жени кои никогаш не пушеле и може да има различни одговори на терапија.
Сквамозниот карцином е одговорен за околу 30% од белодробните ракови. Тие обично се појавуваат близу големи дишни патишта. Во средината на овој тумор често се наоѓа некроза и празнини.
Околу 9% од белодробните ракови се крупноклеточни карциноми. Тие се наречени така затоа што туморските клетки се големи, со многу цитоплазма, големo јадро и назначени јадренца.
Ситноклеточен белодробен карцином
Ситноклеточен белодробен карцином (микроскопски преглед на материјал од основна (core) тенкоиглена биопсија).
Кај ситноклеточниот белодробен карцином, клетките содржат густи невросекреторни гранули (везикули кои содржат невроендокрини хормони) кои кај овој тумор предизвикуваат поврзаност со ендокрин/паранеопластичен синдром.Повеќето случаи се јавуваат во поголемите дишни патишта (примарни и секундарни бронхи).
Овие тумори растат бргу и се шират рано во текот на болеста. 60–70% имаат метастатска болест во моментот на откривање. Овој тип на белодробен рак е силно поврзан со пушење.
Четири главни хистолошки подтипови се препознаваат, иако некои ракови можат да содржат комбинација од различни подтипови. Во ретките подтипови спаѓаат жлездени тумори, карциноид и недиференцирани карциноми.
Лекувањето на белодробниот рак зависи од специфичниот клеточен тип на ракот, колку далеку е истиот раширен и општата здравствена состјба на пациентот. Тоа најчесто опфаќа палијативна грижа, хирушка операција, хемотерапија и радијациона терапија.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.