Стево Крстевски нов директор на ФЗО, Стојанче Ангелов на ЦУК

Владата информира дека ја прифати оставката на Агрон Буџаку и го разреши од должноста директор на Центарот за управување со кризи, и на негово место го именува лидерот на Достоинство Стојанче Ангелов, досегашен национален координатор за воени и полициски ветерани.

Фото/Текст извор: ©Магазин.мк

Во рамки на најновите кадровски одлуки на Владата, Миле Сугарев e разрешен од должноста в.д. директор на Фонд за здравствено осигурување, а за нов в.д. директор да се именува Стево Крстевски, кој доаѓа од општинскиот комитет на СДСМ во Велес, објави Фокус!

Според владиното соопштение, прифатена е оставката на Аднан Џафероски од должноста директор на Дирекцијата за заштита и спасување, а на негово место доаѓа Беким Максути, поранешен заменик министер за одбрана од ДУИ.

Ангелов е роден во 1972 година во Штип. Таму завршил основно и средно училиште, потоа во Скопје завршил Факултет за безбедност. Се вработил во МВР како приправник за полицаец во Штип.

Во март 1996 почнал да работи во специјалната полиција, каде што околу една година работел како полицаец, две години бил командир на одделение, две години командир на вод, па оттаму бил преместен во Радуша, каде бил водич на сектор.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.