Генералниот секретар на Алијансата, Јенс Столтенберг денеска застана на страната на американскиот претседател Доналд Трамп и истакна дека не залудно тој побарал зголемено присуство на НАТО на Блискиот исток.
Столтенберг на денешната прес-конференција истакна дека се уште е рано за било какви прогнози бидејќи дека разговорите за ова прашање штотуку започнале и бараат постигнување едногласност.
Зголемувањето на нашето присуство во регионот наметнува согласност од државите што се таму, а тоа ќе одземе време, забележа Столтенберг.
Столтенберг истакна дека НАТО Алијансата има можност да одговори на барањето на Вашингтон.
По вчерашниот напад во две американски бази во Ирак, генералниот секретар посочи дека проблемите на Блискиот исток се закана за сите, како и дека за изноѓање на решенија се неопходни политички, дипломатски, економски и воени мерки.
НАТО и сега е присутен на Блискиот исток со своите напори во борбата со тероризмот. Најдобриот одговор на терористите не се воените операции, туку обуката на локалните безбедносни сили.НАТО го задржува своето присуство во Ирак, остануваме во тесна врска со локалните власти. Ситуацијата на Блискиот исток останува несигурна. Никој нема интерес од нов конфликт, стабилноста е важна за сите во НАТО, дополни Столтенберг.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.