Македонскиот стопер Коста Манев и официјално е ново засилување на Вардар, откако црвено-црните денеска го промовираа 25-годишниот дефанзивец како петти новајлија за следната сезона. Станува збор за релативно непознат фудбалер за македонската јавност, кој по седум години во Финска се враќа во Македонија и потпиша договор на една година со опција да го продолжи на уште една.
Манев е роден во Радовиш, но целата кариера ја мина во клубови во Финска во екипите на Клуби 04, Викингит, ПК-35, Хонка, Интер Турку и Кеми.
Вардар е најголемиот клуб во Македонија и јасно ми е дека секогаш очекувањата се високи, а секогаш приоритетите се освојување на титула. Посакувам во новата сезона да ја вратиме титулата онаму каде што и е местото и да стигнеме што е можно подалеку во Лигата на Европа. Доаѓам во клуб, кој лани мина одлично во Европа, а посакувам така да биде и претстојното лето. Очекувам да се вклопам во новиот клуб што е можно побрзо, да ги запознаам моите нови соиграчи и да се вклопам во системот на тренерот на стручниот штаб и неговите идеи. Со напорна работа ќе се обидам да се наметнам, и да дадам придонес Вардар да има успешна сезона“, рече новиот стопер за клупската интернет-страница по промоцијата.
Во Вардар досега официјално беа промовирани Филип Најдовски, Дарко Мицевски, Алекс Талевски и Виктор Јуфо, а се очекува наскоро да бида промовирани и Бразилците Вилијан Лира, Данило Бала, Аргентинецот Николас Херанц, како и голманот Александар Кировски, кој веќе мина дел од подготовките и бранеше на пријателските тест-средби за „црвен-црните“ во Словенија.
Исто така Вардарци денес ја објавија веста дека ја прекинале соработката со Вања Марковиќ, играчот за врска кој лани беше најавен како големо засилување за Вардар , а на крајот беше само едно разочарување повеќе.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.