Тешка несреќа во Куманово, повредени десет работници.

Како што информира СВР Кумановои од болницата во Куманово, десет работници се повредени при изведување на градежни активности на локација на улиците „Васко Карангелевски“ и „АВНОЈ“ во Куманово,

Повредените работници се префрлени во кумановскиот Ургентен центар и од нив двајца, според директорката на болницата Снежана Захариева, се префрлени на Ургентен центар на скопските клиники.

-На останатите работници им се пружа помош во кумановската Општа болница. Се вршат испитувања и нивната здрвствена состојба и понатаму ќе се следи, изјави директорката Захариева.

Од СВР Куманово потврдија дека кај нив е пријавен случај дека има повредени градежни работници и информираа дека екипите се на терен и вршат увид.

Како што дознава Сител,во тешка состојба, двајца од повредените градежни работници во Куманово се хоспитализирани на КАРИЛ.

Уште во кумановската болница биле приклучени на респиратор и така ги транспортирале и на скопските клиники. Од КАРИЛ за Сител изјавија дека повредените се во тешка состојба и во моментот им прават дијагностички процедури и не можат да прогнозираат дали се во животозагрозувачка состојба. Имале повреди на бели дробови и кичма.

Останатите осумина повредени работници се згрижени во кумановската болница.