Грчкиот полуостров Халкидики вчера беше погодено од страшно невреме со ветар кој дуваше дури 120 километри на час, кој спаѓа во ураган од прва категорија.

Најмалку шест лица ги загубија животите во големото невреме кое беше проследено со дожд, град и со силен ветер, што синоќа го зафати грчкиот полуостров Халкидики, според грчките медиуми.

Како што јавуваа грчките медиуми, меѓу загинатите се Романка и нејзиниот осумгодишен син врз кои се срушил покрив во таверна во местото Неа Плагија, двајца чешки туристи во Созополи, како и Русин и неговиот двегодишен син врз кои паднало дрво пред хотел во Неа Потидеа.

Десетици лица се повредени, од кои четири се во критична состојба, а се трага по уште неколкумина исчезнати.

Според последните податоци загинале најмалку 7 лица, меѓу кои и две деца, а повредени се околу 120 лица.