Времето во Македонија ќе биде претпладне сончево, а попладне облачноста постепено ќе се зголемува.

Ќе дува слаб до умерен ветер од северен правец.

Утринската температура ќе се движи од минус три до нула, а дневната температура ќе се движи од седум до 14 степени.

Во Скопје претпладне сончево, а попладне облачноста постепено ќе се зголемува. Ќе дува слаб до умерен ветер од северен правец.

Утринската температура ќе достигне до минус пет, а дневната температура до осум степени.

Под влијание на студена воздушна маса во недела времето ќе биде облачно со засилен северен ветер и повремени врнежи со слаб, а на места умерен интензитет и ќе бидат претежно од снег. Потоа во следните денови времето ќе биде стабилно и студено, со умерен, а во понеделник засилен северен ветер.

Сообраќајот на државните патишта се одвива непречено, по претежно суви коловози.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Од 30.12.2019 реконструкцијата на мостот на Вардар кај село Пепелиште на патниот правец Неготино – Лакавица е завршена. Сообраќајот се одвива нормално за сите видови на возила.