Незаконскиот начин на финансирање на ВМРО-ДПМНЕ, односно уплати на средства на сметка на партијата, како и незаконската изградба на зградата во кое е сместено седиштето е пред својот крај. 

Имено, од скопскиот кривичен суд потврдуваат дека е одржана јавна седница на која се вршела оценка на обвинителниот акт и дека обвинението поднесено од СЈО е прифатено, но и тоа дека стартот на судењето за предметот наречен „Талир“ е веќе закажано. 

Точно е дека беше одржана Јавна седница за оценка на обвинителен акт. Во овој момент можам да потврдам дека веќе е одреден и советот кој ќе постапува, дека предметот е насрочен за судење, но со повеќе детали судот ќе излезе по празниците“. – изјави Иван Џолев.

Како што е веќе познато СЈО, за случајот наречен „Талир“ поднесе две обвиненија, а за обвинетата Елизабета Чингаровска беше изречена мерка јавување во суд, а и беше одезњемена и патната исправа со тоа што и беше забрането преминување на државната граница и забрана за издавање на нова.

Чингаровска, уште пред да започне судењето одлучи да ја признае вината за што и беше изречена казна затвор во траење од две години, а која што казна и се одложува доколку во наредните пет години не стори ново кривично дело.

Низ судските кулоари веќе се шпекулира дека примерот на Чингаровгска ќе го следи најмалку уште еден од групата обвинети, но не треба да се исклучи можноста и други обвинети да се согласат со признание на вина за сметка на тоа да добијат условна затворска казна.

Инаку, со првото обвинение, освен Чингаровска, обвинет е и Никола Груевски, кому во отсуство ќе му се суди за злоупотреба на службената положба и овластување и перење пари, а обвинети се и Кирил Божиновски, Миле Јанакиевски, Илија Димовски и Леко Ристоски, но и правното лице: ВМРО-ДПМНЕ.

Со второто обвинение, кое се однесува на изградбата на седиштето на ВМРО-ДПМНЕ, опфатени се Никола Груевски и Кирил Божиновски, но освен за „централата“ судот донесе решение за замрзнување на уште 68 недвижнини, односно имот на паријата.