Лидерот на ВМРО-ДПМНЕ Христијан Мицкоски во интервју за емисијата „Клан дебата“ нагласи дека Специјалното јавно обвинителство не е реформа, туку служи како партиска алатка за притисок врз неистомислениците на владата на СДСМ.

– Зошто во законот ваков каков што е единствено важно за преговарачкиот тим на СДСМ и Рената Десковска е сите случаи после 30 јуни 2017тата година надвор од законот кој што ги водел неовластен тужител, а за тоа имате мислење од Врховниот суд кој што ги водел неовластен тужител да бидат интегрирани во законот и да се продолжат. Значи тоа е исто како сега јас и вие да почнеме да вршиме истрага да се прогласиме за тужители и да поднесеме кривична пријава кој што некој суд ќе ја прифати. Овие луѓе во функција на неовластени тужители поднесоа само едно обвинение и тоа е обвинението Талир 1 и Талир2, против правното лице ВМРО-ДПМНЕ и против поединци кои што тогаш биле дел од раководство на ВМРО-ДПМНЕ, истакна Мицкоски.

Мицкоски додаде дека не е реформа, ниту пак борба со криминалот поднесувањето на обвиненија од страна на СЈО врз ВМРО-ДПМНЕ, туку партиска алатка врз неистомислениците како и еден процес кој ја враќа Македонија назад. Јас сум загрижен дека ова не е реформа, второ не е борба против криминалот, трето е партиска алатка врз неистомислениците и четврто е ретрограден процес кој што ја враќа Македонија наназад, изјави тој.