Шеснаесетгодишната Лена Илиќ синоќа ја загуби петмесечната тешка борба за живот на Клиниката за интензивна нега и неврохирургија во Ниш, Србија.

Лена Илиќ е осмата жртва од несреќата која се случи на 21 декември кај селото Долно Меџурово, кога воз удри дирекно во автобус на „Ниш Експрес“ и го преполови.

Починатата Лена била ученичка во Уметничката школа во Ниш и секојдневно ја поминувала релацијата со автобус за да стигне во училиште. Како што пренесуваат српските медиуми, кај девојката дошло до мозочно крварење од здобиените тешки повреди. Неколку месеци таа комуницирала само со очите.

Страотниот судар се случи на 21 декември околу 7.35 часот во селото Долно Меѓурово кај Ниш кога воз удри во автобус.
Во тешката несреќа, на самото место загинале најмалку три лица, меѓу кои едното е дете, потврди МВР, додека 6 лица се потешко, а 16 полесно повредени.
Автобусот на Ниш експрес беше преполовен од ударот на возот.

Екипите на Итната помош, пожарникарите и полицијата ги извлекуваа повредените и ги носеа во нишката болница. Преминот преку пругата бил обезбеден со адекватна сообраќајна сигнализација, соопштија од Железница на Србија.