Српските цариници синоќа во автобусот со кој се превезувале играорци од нашиот национален ансамбл “Танец’’ на пат за турнеја во Хрватска, Словенија и Австрија, при претрес пронашле голема количина на шишиња со вино и ракија и многу штеки со цигари, пренесе порталот Либертас.

В.д. директорот на Танец, Стојанче Павловски, и другите играорци и возачите добиле наредба да го напуштат автобусот, а цариниците го однеле на скенер за да проверат да не има уште сокриена стока. Претходно сите биле детално претресувани и од автобусот им била извадена целата облека, и приватната и онаа за настап.

Според Либертас, цариниците им рекле дека претресот и проверката на автобусот на скенер ќе трае најверојатно до доцна во ноќта.