Таравари: Заев можеше да биде Тито но не ја искористи таа шанса

Заев имаше историска шанса да биде Тито, но не ја искористи, рече Таравари одговарајќи на прашањето дали Албанците ќе дадат гласови за СДСМ, и додаде дека тие се разочарани од Заев и СДСМ.

Фото/Текст извор: ©магазин.мк

Генералниот секретар на Алијанса на Албанците Арбен Таравари во вчерашната дебата на телевизија 24 рече дека поранешниот премиер Зоран Заев имал шанса да биде Тито но не ја искористил.

Арбен Таравари (7 април 1973 во Гостивар) — македонски лекар и поранешен министер за здравство во владата од 2017. Средно медицинско училиште завршил во „Панче Караѓозов“ во Скопје, а дипломирал на медицинскиот факултет при универзитетот „Св. Кирил и Методиј“ во 1998. Специјализирал неврологија во 2006, а во 2011 ја одбранил докторската дисертација од областа на Паркинсонова болест. Во 2016 бил претседател на одделот на екстрапирамидални болести при универзитетската клиника за неврологија, а бил член на одборот на меѓународните медицински списанија „Медикус“ и „Vox Medici“. Таравари е оженет и е татко на две деца. Говори албански, македонски, турски, англиски, и српски јазик.
На локалните избори во 2017 година Таравари станал градоначалник на Општина Гостивар, победувајќи го својот против-кандидат од редовите на ДУИ Невзат Бејта.

Заев имаше историска шанса да биде Тито, но не ја искористи, рече Таравари одговарајќи на прашањето дали Албанците ќе дадат гласови за СДСМ, и додаде дека тие се разочарани од Заев и СДСМ.

Таравари во дебатат истакна дека власта премногу се фокусирала и работела само на Преспанскиот договор но требало да посветат внимание и на други приоритетни работи во државата.

Кажете ми една изградена болница, кажете ми една инвестиција во едно училиште има само едно во Скопје, јас барав, не дозволи министерството и најдовме од донации, рече Арбен Таравари.

Тој обвинува дека нема ниту една инвестиција во опозициска општина.

-Во Гостивар не доаѓа никој од Владата. На општината каде сум градоначалник на пример, Гостивар, на владата и текнуваше само кога земаше ингеренции, посочи Таравари.

Таравари откри планови за престојните избори закажани за 12 април.

„Ние не избираме коалициски партнер кој ќе победи со тој ќе разговараме, се разбира треба да се погодиме и по програма“.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.