Во вчерашното гостување во дебатната емисија “Програма 200“ на Алсат телевизија, генералниот секретар на Алијанса за Албанците и градоначалник на Гостивар, Арбен Таравари рече дека на лидерската средба која пред два дена се одржа кај претседателот Пендаровски, само СДСМ на чело со Заев не покажа никаква флексибилност за одржувањето на изборите.

На лидерската средба вчера, само СДСМ беше таа која не покажа никаква флексибилност во однос на поместувањето на датумот за избори. Предлогот на Зоран Заев беше избори да има на 21 јуни по секоја цена, рече Таравари.

Тој додаде дека Алијансата на албанците стапила во контакт со Државната изборна комисија од каде едногласно добиле одговор дека за да можат тие да организираат избори, потребни им се минимум 32,33 дена.

– Имајќи во предвид дека од трите писма што ни стигнале од три институции од кои побаравме помош, едното беше од ДИК, каде што беа едногласни потпишани сите членови на Државната изборна комисија дека минимум му требаат 32 или 33 дена, а максимум 50 дена, истакна Таравари.

Според Таравари, ако вонредната состојба завршува на 30 мај, тогаш првиот датум на кој ДИК може да ги организира изборите е 5-ти јули, а во никој случај не може да се постигне според барањето на Заев изборите да бидат 14 или 21 јуни.

-Значи ако вонредната состојба завршува на 30 мај, од први јуни, минимумот од 33 дена е 3 јули, значи 5 јули е недела. Тоа е првиот ден што трите институции можат да организираат избори, зборувам за ОБСЕ, ДИК и Комисијата за заразни болести. Значи 5 јули е минимумот, иако Заев може да каже сакам да одиме на избори на 11 јуни, но едноставно е невозможно затоа што едната институција каде и СДСМ има делегати, и тие велат дека на нив им требаат минимум 33 дена, констатираше Арбен Таравари.