Актерот Сашо Тасевски напиша на социјалните мрежи и повика до надлежните органи веднаш да ги ослободат од затвор Игор Југ, Јане Ченто и останатите кои се осудени за крвавите инциденти кои се случија во Собранието на 27 април.

Актерот Сашо Тасевски напиша Фејсбук статус во кој апелира до надлежните органи, да ги ослободат од затвор Игор Југ, Јане Ченто и другите кои се осудени за крвавиот четврток во Собранието на 27 април.

Тој смета дека ако нема робија за Груевски, Мијалков, Камчев, Јанкуловска и останатите, смешно е другите да останат зад решетки.

„Знаете што е фер? Да ги ослободите оние кои скапуваат во затвор како тој Југ, Јане Ченто и компанија. Оти ова е смешно вашево. Нема робија за Грујо, Сашо, Орце, Гоца Мвродпмне.

Нема прогон за Протуѓер звани Ендек, за Илче Гебелс, за Ставревски. Нема затвор ни за судиите Сваровски. Нема затвор за ниеден функционер од ДУИ. Нема затвор за никој од нив, ама затоа нивните човечиња, пиончиња и војничиња ги пикнавте во прдекаана.

Зборот СРАМОТА е премногу благ да го опише тоа ваше предавство на законот и правдата“, пишува на социјалните мрежи актерот Сашо Тасевски.

Сашо Тасевски е македонски театарски, филмски и телевизиски глумец, стендап комичар, писател и колумнист, вработен во Драмскиот театар во Скопје.