Бојан Јовановски – Боки 13 ги даваше воведните збори за случајот „Меѓународен Сојуз“ кој денеска почна во Судот. Јовановски рече дека долго размислувал дали да дава одбрана во предметот, бидејќи смета дека веќе е донесена одлуката.

На прашањето за неговиот татко дали разбира за што е обвинет, Миле Јовановски, направи мало „шоу“ во судницата на судењето за „Меѓународен сојуз“.

„Не разбирам, ништо не е точно, ме правите криминалец на 60 години“, рече Јовановскипренесува тв 21.

Судијката му посочи дека не треба да кометира, туку треба да одговори со да или со не, по што Јовановски рече дека го разбира, но дека не чувствува вина.

Потоа Миле Јовановски бараше да објасни, но судијата му рече дека во текот на судењето ќе има можност да даде образложение.