Тачи: ДУИ се плаши од попис бидејќи Албанците може да бидат под 20%

Тачи истакна дека ДУИ всушност се плаши од пописот, бидејќи може да испадне бројот на Албанци да биде под 20%, а тоа според него би значело дека лошите политики на ДУИ ги натерале Албанците да си заминат од земјата.

Фото/Текст извор: ©магазин.мк

Мендух Тачи, лидерот на албанската ДПА, во гостување во емисијата „10 минути“ на ТВ21, зборуваше на актуелни теми меѓу кои беше начната и темата за пописот.

Мендух Тачи во 1998 година, по парламентарните избори, ДПА влегува во парламентот, и со тоа Тачи како заменик. Во 2006 година неговата партија се приклучува на владината коалиција. Во новоизбраниот парламент Тачи е член на комисијата за одбрана и безбедност. За време на пратеничкиот состав 2008-2012 е претседател на пратеничка група на Собранието на Република Македонија за соработка со Парламентот на Кралството Данска. На 23 декември 2016 година поднел оставка од функцијата претседател на ДПА.На 8 март 2019 година бил осуден на три години затвор за предметот „Титаник 2“ на СЈО.

-Вие сте приметиле дека кај ДУИ постои еден страв за да не се направи пописот. Можеби не го кажуваат тоа јавно, но по кулоари кажуваат дека постои ризик бројот на Албанци да е паднат под 20%. Ова може да биде вистина, но оваа вистина открива и една друга вистина дека од 2001, 19 или 18 години на политичкото и владеачко дејствување на ДУИ резултира со тотално фијаско. Ако денес се плашиме дека нашиот број ќе биде под 20%, тогаш анализата вели дека Албанците си заминале од тука, Албанците не виделе тука перспектива, Албанците мигрирале и ова е еден многу цврст аргумент, рече Тачи.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.