Лидерот на ДПА Мендух Тачи на вчерашната конвенција на кандидатите за пратеници на ДПА за предвремените парламентарни избори закажани за 12 април му порача на лидерот на СДСМ, Зора Заев дека Тетово не е Струмица, туку е Албанија.

Тачи упати порака до лидерот на СДСМ, Зоран Заев кој изјави дека коалицијата СДСМ и Беса ќе победи и во Тетово:

– Тетово не е Струмица, туку е Албанија – рече Тачи.

За носител на Првата изборна единица на конвенцијата е промовиран Ниметула Демири. Поранешниот пратеник Орхан Ибраими е носител во „двојката“. Сами Рушиди е носител во Третата изборна единица, додека „петката“ ќе ја предводи Васфи Доко.

Лидерите на СДСМ и на Беса Зоран Заев и Биљаљ Касами ги усогласија ставовите околу програмата за предстојните избори.

Тие потпишаа Деларација за заеднички настап на изборите на 12 април. Прв пат во историјата на независна Македонија се постигна предизборна коалиција меѓу партии на Македонците и на Албанците.  СДСМ и Беса се залагаат за негување и почитување на правата на сите етничките заедници, развој, создавање подобри услови за сите граѓани за да ја градат својата иднина овде, за борба проти корупцијата и праведно судство, а интеграцијата во ЕУ останува единствена опција.