Некогашниот претседател на претседателството на СФР Југославија, Борисав Јовиќ, повторно во јавноста изнесе шокантни тврдења. Имено Јовиќ открива тајна чувана од 1966. година.

Тој тврди дека доживотниот претседател на СФРЈ, Јосип Броз Тито, тајно ја пренел документацијата во Ватикан со најлоши докази за грозоморните злосторства направени во Јасеновац. Тоа го направил со помош на неговиот соработник, хрватскиот функционер Иван Стив Крајачиќ, а единствен кој дознал за тоа бил Александар Лека Ранковиќ, тогашниот потпретседател на СФРЈ, поради што беше експресно сменет и протеран. 

Официјалното образложение беше дека тој го прислушкувал и шпионирал Тито, за што речиси  никој не ни поверува.

– Ранковиќ сосема случајно дозна што стори Тито, и тоа од нашиот амбасадор во Светата Столица кој дозна додека беше во Ватикан. Тито беше шокиран што Ранковиќ успеа да ја открие оваа најголема тајна и се посомневал дека тој сигурно го прислушкувал- откри Јовиќ.

Како што открива Јовиќ за српски Телеграф, Ранковиќ на еден прием во Дедиње се соочил со Јосип Броз Тито и му открил што дознал. Со тоа си ја запечатил судбината и политичката кариера. Буквално неколку недели подоцна на прочуениот Брионски пленум Централниот комитет донел одлука Ранковиќ да биде сменет од позицијата потпретседател на државата и бил избркан од партијата.

Јовиќ објаснува дека тој за се што се случувао дознал во 1975. година, кога бил поставен за амбасадор на СФРЈ во Рим. Него како што вели за српски Телеграф, во италијанската престолнина за тоа го известил човек чие име не сака да го открие пред јавноста, кој дознал од поранешниот амбасадор во Ватикан, дека Тито лично наредил отстранување на документи кои директно сведочат за страдањето на Србите во Јасеновц.

Стево Крајашиќ беше присутен на отворањето на мавзолејот посветен на жртвите во Јасеновац на 31 јули 1968 година, две години откако документите за злосторства беа донесени во Ватикан.Кога заврши церемонијата, мислејќи дека микрофонот е исклучен, тој тивко прозборе, обраќајќи им се на српските борци: „Овде малку ве убивме“ Но, микрофоните беа вклучени и дојде до скандал, па по неколку дена тој поднесе оставка.

Човекот кој ми ја даде оваа информација ми рече да бидам многу претпазлив бидејќи тоа е информација која тогаш не смеела да излезе во јавност. Тито без знаење на Ранковиќ, целаата документација за сведочењето за злочинот во Јасеновац ја однел во Ватикан, тврди Јовиќ.

Додава дека Тито сето тоа го правел со помош на тогашниот хрватски функционер Иван Стив Крајачиќ.

– Тито тогаш се запрепасти од фактот дека Ранковиќ воопшто дознал за тоа што го направил, и не можел да открие од каде ја дознал инфрмацијата. Сепак Тито ја постигна целта и тие документи никогаш не беа откриени пред јавноста, вели Јовиќ.