Тереза Меј, Британската премиерка денеска официјално ќе поднесе оставка од лидерската позиција во Конзервативната партија и од премиерската функција.

Терзеза Меј, на чело за местото премиер на Велика Британија беше именувана во јули 2016 година, веднаш по референдумот на кој Британците со 52 отсто од гласовите се изјаснија за напуштање на Европска Унија.

Парламентот во Велика Британија неколку пати го отфрли Договорот за Брегзит, за кој премиерката Тереза Меј повеќе месеци преговараше со Брисел.

Меј беше принудена да го пролонгира Брегзит неколку пати, а последниот рок за напуштање на Велика Британија од ЕУ е 31 октомври. Таа нејзината оставка ја најави на 24 мај по голема низата обиди да ги убеди пратениците да го прифатат договорот за Брегзит.

За премиерското место помеѓу 11 кандидати голем фаворит важи, Борис Џонсон, кој е пратеник од Конзервативната партија.

Тој беше градоначалник на Лондон и шеф на дипломатијата.

Борис Џонсон пред три години беше виден како сигурен победник да го замени Камерон, но, загуби од сегашната премиерка Тереза Меј делумно поради Мајкл Гов, кој се повлече од негов менаџер на кампањата.