Пред два дена Македонското Собрание со двотретинско мнозинство од 81 пратеник ги усвои уставните измени, кои доаѓаат од Договорот од Преспа за решавање на спорот за името на Република Македонија.

Гласањето за уставните измени што се случи во македонското Собрание е вест која ја пренесуваат најголемиот дел од германските и британските електронски медиуми. Се обрнува големо внимание исто така на она што претстои во Грција. Македонската влада ја исполни својата должност од договореното со Грција, а сега на потег е грчкиот Парламент да го ратификува Договорот, со што ќе се отвори патот за интегрирање на земјава во ЕУ и НАТО.

Британската премиерка и член на конзервативната партија во Британија Тереза Меј на твитер и честиташе на Македонија за успешното завршување за спорот со Името.

,,Позитивното гласање за Преспанскиот договор е историски момент за Македонија. Честитки до македонскиот Парламент и до Владата на премиерот Зоран Заев”, напиша денеска на Твитер британската премиерка Тереза Меј.