Тешка сообраќајна несреќа се случила на патниот правец Кавадарци – Припеп поточно пред преминот Плетвар.

Сообраќајот моментално е затворен поради вршење на увид на местото на несреќата.

АМСМ соопштува дека сообраќајот е прекинат од 11 и 15 часот.

Ова е моменталната состојба на останите патишта низ Македонија.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини, од македонската страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

ВАЖНО: Ве информираме дека автопатот Миладиновци – Штип, секција Миладиновци – Кадрифаково и Кадрифаково – Миладиновци не е пуштен за сообраќај. На автопатот се вршат проверки од безбедносен карактер. Апелираме до сите возачи да не го користат автопатот.

ЗАБРАНА ЗА ТМВ: На 04.04.2019 година од 11:30 часот поради оштетување на мостот во с. Ваташа на регионалниот пат Кавадарци – с. Мрежичко воведена е забрана за ТМВ.