Најмалку 14 лица загинаа вчера, а 19 се повредени во сообраќајна несреќа во близина на главниот град на Боливија, Ла Паз, соопштија официјалните лица.

Несреќата се случила кога автобусот вртејќи на кривината, слетал во провалија, објави АП.
Автобусот сообраќал од главниот град кон градот Корипат на северот на земјата. Тоа е трета голема несреќа оваа недела во Боливија, при што загинаа вкупно 17 лица во претходните две.

Минатиот месец боливиската полиција соопшти дека во судир на два автобуса загинале 22 лица, а 37 се повредени.
Несреќата се случи на пат кон градот Чалапати, кој е оддалечен 250 километри од Ла Паз. Причина за несреќата беше неприлагодена брзина на еден од автобусите.

Боливија е или официјално Повеќенационална Држава Боливија е независна држава во Јужна Америка. Боливија се граничи со Бразил на север и исток, со Парагвај и Аргентина на југ, со Чиле на југозапад и со Перу на запад.

Главен град на државата според уставот е Сукре, а седиште на владата е Ла Пас. Државата има 37 службени јазици, а најзборувани се шпанскиот, кечуанскиот, ајмарскиот и гваранскиот јазик. Боливија има население од околу 10 милиони жители. Над 50% од населението се јужноамерикански староседелци, меѓу кои најголеми се Кечуаните, Ајмарите и Гвараните.