Тешка сообраќајна несреќа се случи утрово на автопатот Тетово – Гостивар.

Според неофицијални извори пет лица се повредени, меѓу кои три деца и две жени, а оштетени се три возила кои се судриле близу наплатната рампа пред Гостивар.

Како што дознаваме повредените, прво биле пренесени на Ургентниот центар во Тетово, а од таму се транспортирани на скопските клиники.

Од СВР Тетово информираат дека во несреќата учествувале три автомобили , од кои едниот бил со британски регистерски таблички.

Поради тешката несреќа два часа утрово сообраќајот на автопатот беше во прекин, а беше нормализиран во 9 часот.

Според првичните информации, најверојатно станува збор за неприлагодена брзина кај некое од возилата.