Тешка сообраќајна несреќа се случи попладнево во охридско – еден загинат и еден тешко повреден.

Во страшната сообраќајна несреќа која се случи кај Климештани, Општина Дебарца едно лице загина, а додека пак едно е тешко повредено.

„Едно лице загина и едно е тешко повредено во сообраќајната несреќа што се случи предмалку кај Климештани, Општина Дебрца. Во несреќата учествуваа комбе и автомобил кои директно се судриле“, истакна за Скопје 1 портапаролот на СВР Охрид, Стефан Димовски.

Сообраќајката се случила помеѓу автомобил Цитроен Саксо управувано од П. С. (1964) од Скопје и комбе Форд Транзит управувано од Д.П. (1992) од Охрид.

Поради несреќата сообраќајот во тој правец, одреден период беше целосно блокиран, поради што се создаде голема колона на автомобили. 

Девет лица се здобиле со лесни телесни повреди во шест од вкупно десет сообраќајни незгоди што се случиле изминатото деноноќие на подрачјето на Град Скопје. Во четири сообраќајни незгоди е причинета материјална штета.

Според податоците на СВР Скопје, полицијата санкционирала тројца возачи кои управувале под дејство на алкохол, девет пред да се стекнат со право на управување на моторно возило и двајца почетници.