Во тешка сообраќајна несреќа која се случила вчера, три лица се тешко повредени, кога се искршиле два автомобили на патот Куманово-Горно Коњаре.

МВР информира дека несреќата се случила во 12 часот и 25 минути на локалниот пат Куманово-Горно Коњаре кога се судриле патничко моторно возило „Мерцедес“ со кумановски регистарски ознаки, управувано од 52-годишниот Г.Ј. од Куманово, и патничко возило „Пежо“ со кумановски регистарски ознаки, управувано од 22-годишниот А.Ф. од селото Горно Коњаре.

По незгодата Г.Ј. А.Ф. и сопатничката во возилото ,,Пежо“, 41-годишната М.Ф. биле пренесени во Ургентен центар-Куманово, каде им биле констатирани тешки телесни повреди.

Увид на местото на несреќата извршила екипа од полицијата од Куманово.