На патот Куршумлија – Прокупје кај селото Барлово во општина Куршумлија, утринава околу 6.45 се случи тешка сообраќајна несреќа помеѓу автобус и камион со приколка.
Спрема првичните информации се работи за директен судар помеѓу автобус од компанијата Ниш Експрес и камион со приколка. Автобусот возел во правец спрема Прокупје и во еден момент преминал на спротивната страна на коловозот и дирекно се судрил со камион.
Во истиот момент автобусот се запалил и целосно изгорел. Во внатрешноста на автобусот за сега се пронајдени три јагленисани тела, а четвртото загинато лице е возачот на камионот.
Лица кои се наоѓале во близина на моментот од несреќата, изјавија дека сцената била ужасна, а на лице место веднаш пристигнале пожарни екипи и екипи на итна медицинска помош. Полициски увид е во тек, а на патот се направила голема колона на возила.
Во меѓувреме Министерството за внатрешни работи потврди дека на магистралниот пат Ниш- Прокупје во село Барлово, кај Куршумлија, утринава се случила тешка сообраќајна несреќа, во кој спрема првичните информации загинаа четири лица, а повеќе се повредени.
На лице место се наоѓаат полициските службеници и припадници на секторот за вонредни ситуации.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.