Жена се здобила со тешки телесни повреди кога се лизнала и паднала на скали во автобус на ЈСП, дознава прес 24.

Вчера во 12.35 часот во СВР Скопје, од Комплексот клиники „Мајка Тереза“ било пријавено дека кај нив со тешки телесни повреди била донесена 69-годишната Н.П. од Скопје.

Жената Н.П. се здобила со повредите додека се качувала на предните скали за горниот кат од автобус „јутонг“ на ЈСП, при што се лизнала и тешко се повредила.

Наредната година во мај во Скопје ќе стигнат 33 автобуси на гас од германскиот производител МАН.

Градоначалникот Петре Шилегов и директорот на ЈСП „Скопје“ Кристијан Чушков, неодамна потпишаа договор со хрватската компанија „Ауто Хрватска“ генерален застапник на „МАН“, кои победија на тендерот за набавка на нови еколошки автобуси.

Ќе бидат набавени вкупно 33 ниско подни автобуси, 21 единечен со капацитет за 85 патници и 12 зглобни за 149 патници. Набавката на новите автобуси ќе чини 10 милиони евра, а парите се обезбедени преку кредит од Европската банка за обнова и развој (ЕБОР).