Стотици Албанци излегоа на улиците во Тирана во средата вечерта поради убиството на младиот човек, Клаудиус Раша (25), кој го наруши полицискиот час воведен за борба против коронавирусот.

Како што наведуваат месиумите тој го нарушил полицискиот час и не застана на барање на полицијата.

Демонстрантите, кои ја прекршија забраната за собирање повеќе од 10 лица, се судрија со полицијата. Тие фрлаа камења кон полицајците и зградите на Владата, Министерството за внатрешни работи и Собранието на Тирана.

Тие исто така се обидоа да упаднат во владиниот комплекс каде е канцеларијата на премиерот Еди Рама, но полицијата ги растера со солзавец.

Претставник на полицијата во Тирана изјави дека најмалку девет полицајци се повредени и дека демонстрантите оштетиле неколку полициски возила! Демонстрантите тврдат дека протестот не е политички, но меѓу насобраните може да се забележат и приврзаници на опозицијата.

Во меѓувреме, премиерот Рама отпатува во Соединетите држави да преговара за набавка на вакцини!