Познатата холивудска актерка Рене Зелвегер која на вчерашното 92-ро издание на Оскари доби Оскар за улогата на Џуди Гарланд во филмот „Џуди“. Таа оваа статуетка ја посвети токму на иконата која ја играше во филмот.
“Изминатите години разговорите и пофалбите посветени на Џуди беа одличен потсетник за тоа колку нè обединуваат нашите херои. Кога ги славиме нашите херои, се сеќаваме кои сме и од каде потекнуваме. И не, Џуди Гарланд не доби Оскар за живот. Но, сигурна сум дека ова е продолжение на нејзиното наследство и индикација дека нејзиното наследство е уникатен пример за вонреден и инклузивен, благороден дух, сето тоа ги надминува уметничките достигнувања на една личност. Џуди Гарланд, вие сте дефинитивно една од хероините кои не обединуваат и дефинираат нас, рече актерката во краткиот говор кој го одржа по примањето на наградата.
Инаку филмот е биографска драма во режија на Руперт Голд посветена на последните месеци од животот на холивудската икона Џуди Гарланд.
Џуди Гарланд (родена како Франсис Ерал Гам; 10 јуни 1922 – 22 јуни 1969) била американска филмска актерка и пејачка. Најпозната била по својата улога како Дороти Гејл во филмот „Волшебникот од Оз“. Американскиот Филмски Институт ја прогласил Џуди Гарланд за осма најголема филмска ѕвезда на сите времиња.
Нејзината ќерка од вториот брак, Лајза Минели, исто така, била успешна актерка, добитничка на „Оскар“ за улогата во филмот „Кабаре“ од 1972 година.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.