Нов силен земјотрес со јачина од 4.5 степени според Рихтрер, ја погоди Албанија.

Земјотресот бил регистриран ноќеска во 1.18 часот во Албанија а епицентарот на потресот бил 22 километри западно од главниот град Тирана.

Граѓаните во Албанија цела ноќ немале мир поради серија послаби земјотреси кои го тресеа тлото а беа со јачина oд 3.1 до 3.5 степени. Епицентарот на послабите земјотреси бил во Јадранското море.

Минатиот месец во Албанија загинаа 51 лице, по катастрофалниот земјотрес кој најмногу го погоди аалбанскиот град Драч и околината. Силниот земјотрес кој однесе многу жртви беше со јачина од 6.4 степени  Над илјада лица се повредени и се уште се во болница.

Пред извесно време Рама изјави дека досега се донирани пет милиони евра и повеќе од милион американски долари помош за погодените од земјотресот и вели дека тоа не е последната сума.

Албанскиот премиер истакна дека сите семејства ќе бидат згрижени во хотели а шаторите ќе бидат отстранети.

Но има еден мал проблем со жителите на околните села кои го замолиле премиерот да останат во шаторите за д аможат да се грижат за нивните земјоделски стопанства.

Рама потврди дека досега загинале 49 лица, вклучително и деца,од нив во Драч 25, во Туман 23 и една жртва во Курбин.

Според податоците кои ги објави Рама дури 3.480 луѓе останале без своите домови во округот Тирана а во Драч се регистрирани 701 оштетени објекти, од кои 12 целосно уништени, а 176 оштетени.

Во Тирана, 15 згради се целосно уништени, 239 оштетени и осум згради не се во употреба.