Актерот Тони Михајловски на својт Фејсбук профил се огласи по скандалот со изведувањето на македонската химна од страна на Тамара Тодевска. 

Михајловски вели дека омилена строфа од химната му е “Не плачи Македонијо, мајко мила, крени глава гордо високо”, додавајќи дека нема да биде изненаден доколку се појави предлог за нова химна на најновата држава на Балканот.

Мене омилена строфа сеуште ми е “Не плачи Македонијо, мајко мила, крени глава гордо високо”. Во таа строфа јас, некако ја слушав пораката од предците, и решението за иднината. Да престанеш да плачеш, и со крената глава, прауд шо би рекле, да се фатиш во костец со сите предизвици и борби за Македонија и Македонците. Но таа строфа одамна не се пее. Ја исфрлија и тоа со указ, чинам.
Легендата вели дека имало друга химна пред оваа, дека стихот “од гроб станаа славните ѕидари на Крушевската Република” е заменет со познатиот “Од ново сега знамето се вее на Крушевската Република”, дека Никола Карев е исфрлен од оваа химна.
Можеби ќе звучи страшно, но нема да ме изненади ако се појави предлог за нова химна на најновата држава на Балканот. Можеби веќе некаде, некој музичар полицаец, ги “везе” нотите и зборовите за северната папазјанија, од едноставна причина што во официјалната химна сеуште има многу Македонија. Многу повеќе одошто тие, и нивните пријатели околу нас, можат да поднесат.