Загаден воздух нема само во Македониија туку речиси во целиот Балкан се борат со шететниот воздух. Скопје неколку пати беше на врвот на најзагадени градови во светот. Загриженоста за загадениот воздух на Балакнот ги заинтересира и германските медиуми.

Медиумите на германски јазик известуваат за „густ, отровен воздух“ на Балканот, за зимски смог кој предизвикува смрт на повеќе илјади луѓе годишно.

Валканите испарувања од греењето, автомобилите и електраните се мешаат со ладната влажна магла, пишува Тагесшау, порталот на јавниот сервис АРД, додавајќи дека во петокот поради тоа беа одржани протести во Белград.

Страшна смрдеа и густ чад

Проблеми со загадениот воздух во зима имаат и други големи градови на Балкан, првенствено метрополите во котлините како Скопје во Македонија и Сараево во БиХ, додава порталот. Се потсетува дека според истражувањата на програмата на ОН за животна средина, очајниот квалитет на воздухот е одговорен за 5.000 смртни случаи годишно во 19 големи балкански градови во кои е спроведено истражувањето.

Балканот е светски првак во загаденост.

Босна и Херцеговина е европски првак по бројот на смртни случаи поради загаден воздух, а на светско ниво е на второ место- зад Северна Кореја. Просечно во текот на една година во БиХ умираат 230 луѓе на 100 илјади жители како последица од загадувањето. Во Германија- 32,5 лица на 100 илјади жители. Ни останатите земји во регионот не заостануваат многу: Албанија е четврта во Европа, а следуваат Црна Гора, Македонија и Србија. Сите земји од Западниот Балкан се на дното на табелата и се најголеми „извозници“ на штетни ПМ2,5 честички во атмосферата. Концентрацијата на овие и на ПМ10 честичките во атмосферата во овие земји често за 10 пати ја надминува дозволената граница.