Авион на пакистанската национална компанија, со 99 патници и осум членови на екипажот, се урнал пред да слета на аеродромот во Карачи.

Авионот се урна во станбена област позната како Model Colony, а на снимките се гледа дека станува збор за Airbus A320.

Спасувачите извлекоа најмалку 20 лица од урнатините. Очевидци тврдат дека виделе како авионот три пати се обидува да слета во Карачи.

Во меѓувреме се појавија видеа на местото на уривањето, каде што се гледа дека се срушени куќи и запалени автомобили.

Цивилните воздухопловни власти известија дека неколку минути пред уривањето, пилотот пријавил дека отпаднал еден од моторите на авионот, по што воздушната контрола го информирала дека двете писти на аеродромот се зафатени. Еден од локалните жители изјави дека видел како авионот прави најмалку три круга обидувајќи се да слета, по што во падот удрил во неколку куќи.

Агенцијата Associated Press повикувајќи се на изводи во агенцијата за цивилна авијација на Пакистан, пренесува дека најмалку две лица од авионот преживеале, додека агенцијата Reuters која се повикува на информација од локалните власти, хаваријата ја преживеало едно лице.