Овчар заминал да ги напасува овците во атерот на село Кочилари, велешко но по неколку часа бил пронајден без знаци на живот.

Трагедијата е пријавена во полиција, и на местото веднаш излегла екипа.

Како што информираат од полицијата, вчера околу 15.30 часот во СВР Велес било пријавено дека на место викано „Кури Даре“ во атарот на с.Кочилари, велешко, во близина на бачилото сопственост на Џ.Х.(40) и Х.Х.(45), двајцата од с.Кочилари, бил пронајден починат М.Г.(48) од Косово. Според пријавеното, околу 06.30 часот М.Г. излегол да ги напасува овците на Џ.Х. Околу 14.20 часот Џ.Х. го побарал М.Г. на мобилен телефон, а откако не го добил, излегол да го бара, при што, според пријавата, го пронашол без знаци на живот.

Смрт без траги на насилство констатирал лекар од Итна медицинска помош.

Увид на местото извршила екипа од СВР Скопје, а по наредба на Јавен обвинител телото на починатиот ќе биде предадено на обдукција во Институтот за судска медицина во Скопје.