Во текот на вчерашниот ден биле пријавени три потешки пожари од кои еден на затворено и два на отворено.
За жал едниот пожар завршил фатално, односно од огнениот пламен не успеал да се спаси 82 годишниот Б.П. од Кочанско. Пожарот настанал во 15.30 часот откако покојниот Б.П. палел трева во нива. Во пожарот дедото настрадал и починал на местото на настанот. Од екипа на Територијалната противпожарна единица Кочани пожарот бил изгаснат, а по овластување на Јавен обвинител телото на починатиот било предадено на семејството.
Другите два пожари биле на отворено едниот се случил околу 13.50 часот во Скопје на улица „Киро Фетак 1“ во помошна просторија од куќата сопственост на З.А.(45), но за среќа пожарот бил изгаснат од екипа на Бригадата за противпожарна заштита.
Другиот пожар се случил во Берово. Во полициската станица било пријавено дека на место викано „Сливница“, атар на село Русиново, настанал пожар во кој била зафатена букова шума. Двајцата браќа Д.Т.(31) и И.Т.(28), жители на село Смојмирово, запалиле оган за скара па поради небрежност огнот се проширил и почнал да се шири. За среќа ожарот бил целосно изгаснат а жртви нема. Од извршениот увид било констатирано дека изгореле околу осум хектари сува трева и папрат.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.