Претседателот на САД, Доналд Трамп денес изрази надеж дека е направено балансирање во некои од фокусите на корона вирусот во Америка, при што неговите медицински советници заземаа поумерен став.

Трамп рече дека падот на бројот на загинати во Њујорк „може да биде добар знак“ и индикација дека Американците почнуваат да гледаат „светло на крајот од тунелот“.

Во исто време, Ентони Фаучи, член на американскиот медицински тим за борба против вирусот корона, рече дека се потребни две недели напор и почитување на строги мерки, како што се социјалното растојание и препораките да останат дома, за да се забави ширењето на вирусот.

На прашањето дали мрачните предвидувања што ги направил со други експерти се противречни на овие на Трамп, тој директно се спротивстави на претседателот, кој е критикуван во јавноста дека честопати зазема попозитивен став отколку што покажуваат фактите, пренесува Ројтерс.

„Она што го слушате за можното светло на крајот на тунелот не може да го избрише фактот дека утре ќе биде многу тешко “, рече Фаучи.

Шефот на Министерството за јавно здравје на САД, Џером Адамс предупреди дека ова ќе биде „најтешката и најтажната недела во животот на повеќето Американци“.

Сепак, некои гувернери се двоумат да издадат наредба да останат дома. Во повеќето држави, на граѓаните им е наредено да останат дома.

Во САД досега се потврдени повеќе од 335.000 случаи на коронавирус, а повеќе од 9.500 починале.