Американскиот претседател Доналд Трамп вели дека сите американски граѓани заслужуваат да бидат еднакви пред законот и рече дека ова е „важен ден“ за Џорџ Флојд, Афроамериканецот, кој неодамна беше убиен од група полицајци.

„Тоа е она што го наложува нашиот Устав, а тоа е суштината на нашата земја“, рече Трамп на првата прес-конференција по неколку дена.

Во САД веќе неколку денови има големи протести против полициската бруталност по убиството на Флојд кое се случи минатата недела, иако во последниве денови тие беа нешто помалку насилни.

„Сите видовме што се случи минатата недела, не можеме да дозволиме повторно да се случи“. „Еднаква правда по закон мора да значи дека секој Американец треба да има еднаков третман во секоја средба со полицијата, без оглед на расата, бојата, полот или религијата, полицијата мора да постапува со нив фер и по закон“, рече тој.
Се надевам дека Џорџ сега не гледа  и вели дека тоа што се случува во земјата е важно. Ова е важен ден за него. Ова е важен ден за сите. Ова е важен ден кога станува збор за еднаквоста “, рече тој.

Трамп го осуди убиството на Флојд и изрази поддршка за мирни протести.

Сепак, тој често е критикуван затоа што не зборува јасно против систематски расизам и дека не покажал доволно разбирање за излив на гнев низ целата земја.

Трамп повторно ги повика федералните гувернери да ја ангажираат Националната гарда за да ги прекинат немирите.