Претседателот на САД, Доналд Трамп во неделата објави дека Управата за храна и лекови (ФДА) ја одобрила употребата на крвна плазма обновена од Ковид-19 за лечење на заразените пациенти од коронавирус.

Трамп ја објави таа одлука на прес-конференција во Белата куќа, велејќи дека плазмата од излечениот пациент е „моќна терапија“.

Тој рече дека постапката на ФДА ќе го прошири пристапот на лечење што веќе се користи.

Третманот вклучува пренесување на антитела од излечен пациент на пациент заразен со Ковид.

Белата куќа претходно соопшти дека претседателот Доналд Трамп ќе објави „голем пробив во третманот на коронавирусот“, пандемија во која загинаа повеќе од 176.000 луѓе во Соединетите држави и заразија скоро 5,7 милиони луѓе – повеќе отколку во која било друга земја во светот.

Трамп пред оваа одлука ги обвини „луѓето во сенка“ од  Управата за храна и лекови на САД, дека „им отежнуваат на фармацевтските компании да најдат луѓе за тестирање на вакцини и третмани“.

Трамп дури и на Твитер тврдеше, без докази, дека официјалните претставници на американската агенција за спроведување на лекови „очигледно се обидува да го одложи наоѓањето одговор за вирусот сè до изборите кои се закажани за 3 ноември“.