Поранешниот американски претседател Доналд Трамп ангажираше двајца нови адвокати за своја одбрана неколку дена пред процесот на отповикување во Сенатот.

Трамп синоќа објави дека одбраната ќе ја водат Дејвид Шон и Брус Л. Кастор.

Во изјавата на Доналд Трамп се вели дека поранешниот претседател и адвокатите се согласуваат дека отповикувањето е неуставно.

Одлуката за ангажирање на нови бранители беше објавена откако петмина адвокати се повлекоа од одбраната поради несогласувања за тоа како да се постапи понатаму.

Трамп сакаше адвокатите да продолжат да ја бранат тезата за масовната проневера на претседателските избори што ги освои демократот Бајден, наместо да се концентрира на законитоста на постапката за отповикување на претседател кој не е на оваа функција.

Судењето на Трамп по упадот на приврзаниците на поранешниот претседател во Конгресот на 6 јануари, треба да започне на 9 февруари!