Американскиот претседател Доналд Трамп го одржа неговото трето, годишно обраќање до нацијата во Конгресот пред двата законодавни дома, судии од Врховниот суд, Кабинетот од Белата куќа и армискиот врв.

Трамп, вели дека следен чекор е изградба на општество во кое секој млад Американец ќе стекне одлично образовние и можност да го реализира американскиот сон.

Претседателот во говорот, истакна дека само пред три години наследил менталитет на американско повлекување, но оти ја отфрлил судбината на уназадување на САД, објави Гласот на Америка!

„Веднаш што ја презедов претседателската функција, се насочив кон заживување на американската економија – укинав рекорден број регулативи, спроведов историски даночни кратења и се борев за фер и реципрочни трговски договори“, изјави првиот човек на САД, пришто наиде на громогласен аплауз од неговите партиски истомисленици.

Како што рече Трамп, компаниите не заминуваат од САД, туку се враќаат назад. Според него САД станаа број еден производител на нафта и природен гас.

Претседателот, акцентирајќи го успехот на економски план, пред двата дома на Конгресот рече дека откако биле затворени 60.000 фабрики од претходните две администрации, Америка отвори 12.000 нови фабрики во последните 3 години.

Како што пишува Гласот на Америка, Трамп во своето обраќање Се осврна на новиот трговски договор со Кина, коишто според него ги штити американските работници, ја заштитува интелектуалната сопственост, и отвара нови пазари за производство и развој во САД.

Стапката на невработеност е најниска во последниот половина век, особено меѓу малцинските заедници, рече Трамп.