Претседателот на САД, Доналд Трамп дојде во изненадена посета во Авганистан, за да ги посети американските војници за “Денот на Благодарноста”

Трамп во воздушната база во Баграм стигна околу 20:30 часот по локално време и со војниците се задржа три часа.

Американскиот претседател пред повеќе од два месеци ги прекина мировните договори со талибанците, откако во бомбашкиот напад во Кабула загинаа 12 лица, меѓу кои и еден американски војник.

Трамп и неговата сопруга Меланија, минатата година за Божик отпатуваа во Ирак. Подпретседателот Мајкл Пенс исто така оваа недела ги посети американската војска во Ирак.

Минатата недела двајца американски војници загинаа откако нивниот хеликоптер се урнал во Авганистан, соопшти војската на САД, не откривајќи детали.

Меѓутоа талибанците тврдеа дека тие го урнале леталото.

Во соопштението на американската војска е наведено дека е покрената истрага, истакнувајќи дека прелиминарните извештаи не покажуваат дека во прашање бил непријателски оган.

„АП“ пренесува дека талибанците тврдат дека го урнале хеликоптерот во источната провизија Логар и дека има многу жртви.