Во ексклузивно интервју за Економски лидер, бизнисменот и екс градоначалник на Скопје Трифун  Костовски, зборуваме за проблемите во градот Скопје, загадувањето,но ги коментирапе и актуелните економски политики .

Жали што уште не се сменети азбесните водоводни цевки кои како што вели се смрт за граѓаните , сака да пие кафе со Шилегов затоа што има многу нешта да му каже.

Вели дека Скопје станува нехумано место за живеење, а за актуелните економски политики тврди дека ефектите се мали , а резултатите не се видливи.  Без визија ние сме брод без компас вели Костовски и затоа не треба да и се лутиме на ЕУ затоа што нудиме криминал и корупција.

Костовски дипломирал на Економскиот факултет на Универзитетот Св. Кирил и Методиј во Скопје. Покрај македонскиот, говори и англиски, полски, руски и хрватски јазик.

Тој е познат македонски стопанственик, донатор и поранешен градоначалник на Град Скопје (2005-2009). 

Тој е основач на Кометал Трејд (Kometal Trade Gmbh) – Виена, Австрија (1991). Компанијата се занимава со активности во сферата на металургијата на австрискиот, швајцарскиот, полскиот, украинскиот и рускиот пазар.