Тимот од Република Македонија кој учествуваше на 15-та Меѓународна јуниорска олимпијада по природни науки што се одржа од 2. до 11. декември 2018 година во Габоране, Боцвана освои три бронзени медали.
На олимпијадата зедоа учество 46 земји од пет континенти, односно околу 250 натпреварувачи, ученици помлади од шеснаесет години и околу 150 водачи. Медали од македонскиот тим освоија Мила Ивановска од СОУ Гимназија „Јосип Броз Тито“- Битола, Дарко Стојчев од СОУ Гимназија „Добри Даскалов“- Кавадарци и Димитар Џорлев од СОУ „Јане Сандански“- Струмица.
На свечената церемонија, медалите на учениците од Македонија ги додели амбасадорот на Германија во Боцвана, Ралф Брет.
Македонскиот тим го финансираа Агенцијата за млади и спорт, Фондот за иновации и технолошки развој, градоначалниците на Кавадарци и на Прилеп, и фирмите „Кожувчанка“, „Вардар Доломит“ и „Витаминка“, како и 120 донатори од цел свет кои помогнаа во фондот на социјалните мрежи отворен од Анита Кузмановска Фелдман, дипломиран инженер по хемија од САД.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.