Станува збор за ТВ Европа, која е првата бугарска телевизија за вести, Велнес ТВ, првата бугарска и европска велнес-телевизија посветена на спорт, здрава исхрана и развојот на децата и ТВ Туризам, телевизија која нуди информации за туристичките понуди и дестинации.

Според она што го истакна програмскиот директор на ТВ Европа Љубомир Попов, на презентацијата во Скопје, до сега во телевизијата се вработени околу 100 лица и има од 20 до 25 дописници од Бугарија и 10 од Европа. Тој додаде дека приватната телевизија Европа постои веќе 18 години и 24 часа во денот, на секои 30 минути, нуди вести од Бугарија, Европа и светот, а се емитува преку кабелски оператори и преку сателит. 

Иван Тодоров, основач на ТВ Велнес Иван Тодоров рече дека телевизијата постои четири години, односно од 2015 година и емитува програма во Бугарија, Хрватска и Украина, а од неодамна и во Македонија.

„Отворете очи за подобар живот“ е нашето мото и се надевам дека тоа ќе го донесеме во вашиот дом, порача Тодоров.

ТВ Туризам пак е третата од телевизиите кои од завчера се во етерот во Македонија, и постои веќе 10 години во бугарскиот медиумски простор. Оваа телевизија нуди програма за сите видови на туристички услуги и ги промовира новитетите во областа на туризмот во Бугарија и во светот. Телевизијата нуди над 50.000 часови документарна програма за повеќе од 10.000 туристички локации и дестинации.

Сметаме дека ТВ туризам ќе биде еден од мостовите меѓу двете земји за нашиот заеднички пат кон Европа, порачаа од ТВ туризам, кои изработиле и промотивно видео на македонски јазик, со кое ги канат сите кои снимаат видеа со кои ги промовираат туристичките дестинации и убавините на нашата земја, да контактираат со нив, за тие да бидат пренесени преку телевизијата.