Како што пренесува српскиот портал “Телеграф” едно лице загина, а најмалку две се повредени во тешката сообраќајна несреќа што се случила во населбата Бресница, недалеку од Врање, Србија.

Во тешката несреќа која се случи во населбата Бресница, недалеку од Врање, Србија учествувале две возила. Загинатото лице се возело во автомобилот „голф“ со српски регистарски таблички, кој по ударот излетал од патот. 

Едно лице, со тешки телесни повреди опасни по живот, починало во Здравствениот центар 45 минути по приемот, потврдила за српските медиуми докторката Милена Антиќ, специјалист за ургентна медицина.

Во другиот автомобил полесно повредени се двајца македонски државјани. Тие се враќале од Холандија, каде само што го купиле автомобилот.

Повеќе детали се најавени за подоцна. Увидот е во тек.