Иако Италија сè уште е под строги мерки против вирусот корона, рестораните и кафулињата ги отворија вратите, пркосејќи им на властите.

Баровите се полни, гостите пијат, јадат и пеат, а на едно видео можете дури и да ги видите како ја исфрлаат полицијата.

Италијанскиот премиер Џузепе Конте ги продолжи мерките, кои предвидуваат полициски час од 22 до 5 часот наутро, до март, а патувањето меѓу регионите е забрането до 15 февруари.

Овие мерки, воведени во ноември, требаше да истечат оваа недела.

Во регионите со ознака „црвена“ или „портокалова“, рестораните можат да послужат храна само за носење.

Сопствениците на локалите не толерираат продолжување на мерките, па многумина се организираа на социјалните мрежи, а потоа во знак на протест ги отворија вратите во петокот.

Според снимките од еден ресторан во Милано, атмосферата била повеќе од весела. Се слушаше музика, а голем број луѓе седеа на маси, се разбира, без маски.

Поединци танцуваа и на масите во текот на вечерта.

Италија беше меѓу најтешко погодените земји кога станува збор за пандемијата на коронавирусите, со повеќе од 2,3 милиони случаи потврдени и 81 000 мртви.