Европската фудбалска асоцијација ги казни украински Шахтјор и италијански Лацио да затворат дел од стадионите во натпревари од клупските натпреварувања за следната сезона поради расистичко однесување на нивните навивачи.
Санкцијата за Украинците е поради банер поставен од навивачите со десничарската политичка порака за време на натпреварот со Ајнтрахт Франкфурт од турнирот Лига Европа.
Приврзаниците на Лацио пак демонстрираа нацистички поздрави од трибините на стадионот „Рамон Санчез Писхуан“ за време на гостувањето во Севиља во февруари.
УЕФА испрати детални инструкции до двата клуба за тоа колку и кои сектори треба да се затворат. За Шахтјор ќе биде трибината, на која е подигнат дискриминаторскиот и расистички банер. Исто така на оваа трибина на стадионот „Металист“ во Харков треба да биде поставен банер со натпис „Equal Game“ и логото на УЕФА.
За користење на пиротехника, клубот од Доњецк беше казнет со 10.000 евра. Конкретната средба заврши 2:2, а Германците го освоија реваншот со 4:1, а повторно имаше и судири меѓу двете навивачки групи.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.