Украинскиот парламент донесе закон за прогласување вонредна состојба, кој се однесува на цела Украина, но не и на проруските сепаратистички региони Доњецк и Луганск. Што значи ваква вонредна состојба?

Првиот чекор, како што вчера најави украинскиот претседател Владимир Зеленски во своето обраќање до нацијата, е дека Украина ќе повика и резервисти на воена служба.

Дописникот на Би-Би-Си од Киев, Мирослав Петс, наведува дека познава многу мажи и жени кои денеска биле повикани да се пријават во воените канцеларии.

Треба да се напомене дека вонредната состојба не е иста како воената администрација, иако не е исклучена ниту таа опција.

Како што потврди денеска висок државен функционер на Советот за национална безбедност и одбрана, може да се воведе воена управа доколку дојде до тотална инвазија на руската армија.

Нацрт-документот, кој беше разгледан од Ројтерс пред неговото усвојување, воведува проверка на документи и и дава на владата овластување да воведе полициски час доколку е потребно.

Според нацртот, Украина ќе воведе ограничувања за голем број дигитални и радиокомуникациски услуги, за кои владата вели дека може дополнително да ја поткопаат сегашната ситуација, додека на воените резервисти нема да им биде дозволено да ја напуштат земјата.